Një “skandal” i vogël doli së fundmi me podcast-in e ri të Meghan Markle në Spotify, pasi po shfaqej në krye të top-listave në disa vende për numrin e dëgjuesve të. Në të njëjtën kohë, kritikat nuk kanë qenë veçanërisht të buta me Dukeshën e Sussex: “Podkasti është vetëm një mënyrë tjetër që ajo të flasë për veten,” shkroi Celia Walden nga Daily Telegraph.
Meghan Markle akuzohet edhe për egocentrizëm, pasi në një fjalim të fundit 7-minutësh, 41-vjeçarja arriti t’i referohej vetes… 54 herë.
Në fakt, Harry dhe Meghan ishin në Mançester për konferencën One Young World ku edhe Markle u ngjit në skenë për të folur mbi çështjen e barazisë gjinore, në fjalimin e saj të parë publik në Britani që nga ‘Megxit’, që kur Duka dhe Dukesha e Sussex u larguan nga pallati në vitin 2020.
Meghan Markle gjatë fjalës së saj foli për mëmësinë dhe se sa shumë e ndryshoi ajo, por edhe se si nga një vajzë e vogël u shndërrua në një personazh publik, ndër të tjera.
Megjithatë, një analist i gjuhës së trupit postoi në Twitter tekstin e fjalimit të Meghan Markle, duke theksuar të gjitha vetë-referencat e Dukeshës dhe me sa duket, ato arritën 54 në vetëm pak minuta.
Meghan’s @OneYoungWorld speech. References to herself are in yellow. pic.twitter.com/6rT8rriqhd
— Jesús Enrique Rosas – The Body Language Guy (@Knesix) September 5, 2022
Të tjerë nxituan të vinin re se në fjalimin e Markle kishte mungesë përmbajtjeje dhe se nuk kishte kuptim, pavarësisht se 41-vjeçarja lidhte gjithçka me veten. /abcnews.al
