Në grupin e Champions League që u hodh mbrëmjen e sotme në Stamboll, goglat e vendosëm Milan në grup me Chelsea, Salzburg dhe Dinamo Zagreb .
Në lidhje me këtë short ka folur edhe Paolo Maldini, i cili ka theksuar se është i lumtur me grupin, ndërsa skuadra e tij tashmë synon dy vendet e para për të bërë të mundur vazhdimin e rrugëtimit në Champions League.
“Një grup që në letër duket më pak i vështirë se viti i kaluar. Ne nuk mund të ëndërrojmë gjëra të mëdha, por kushdo që do të përballet me ne nuk do ta ketë aspak të lehtë.
Ne përfunduam të katërt në një grup të vështirë. Tani duhet të paktën të godasim dy vendet e para, por është më e lehtë të thuhet, sesa ta bëjmë atë. Vetëm fusha do të thotë nëse e meritojmë. Na intereson të konkurrojmë për diçka të rëndësishme dhe gjithmonë më të madhe” ka theksuar fillimisht Maldini.
Paolo Maldini ka komentuar edhe për kundërshtarët: “Chelsea është favorit, është gjithmonë mirë të kesh një ekip të fortë në grup sepse mund të thjeshtojë pak kualifikimin. Ata janë një ekip i vështirë për t’u përballur”. /f.a/abcnews.al
