Motrat gangstere nga Bilishti, Dezi dhe Xhesi bëheshin tapë dhe “ngrinin në këmbë” qytetin gjithë natën

Dy motra u arrestuan ditën e djeshme nga policia në Bilisht, pasi në mënyrë të vazhdueshme kishin prishur qetësinë publike.

Lexo edhe: FOTO-EMRI/ Kjo është 27-vjeçarja që prishi qetësinë publike dhe fyeu policët bashkë me motrën në Bilisht, në 2018-n i dogjën makinën

Dezi Arapi dhe Xhesika Arapi, përkatësisht 27 dhe 23 vjeçe, kundërshtuan gjithashtu efektivët e policisë gjatë shoqërimit në komisariat, duke i sharë dhe ofenduar.

23-vjeçarja do të procedohet në gjendje të lirë, ndërsa dënimi për 27-vjeçaren nuk është bërë ende me dije.

Dy motrat udhëtonin gjatë orëve të vona të natës me makinë dhe nën efektin e akoolit bërtisnin, duke shqetësuar qytetarët, të cilët edhe i ofendonin.

Të rejat janë të njohura në qytetin e vogël të Bilishtit për sjelljen e tyre “gangstere”.

Ndërkohë, në vitin 2018-të Deizi Arapit i kanë djegur makinën tip “Smart”. Hetimet në atë kohë bënë me dije se djegia e mjetit mund të ishte bërë për hakmarrje mes vajzave.

Njoftimi i policisë për ndalimin e dy motrave:

Specialistët për Hetimin e Krimeve në Komisariatin e Policisë Devoll bënë arrestimin në flagrancë të shtetases D. A., 27 vjeçe, si dhe referuan materialet në Prokurori e filluan procedimin penal në gjendje të lirë për shtetasen Xh. A., 23 vjeçe, banuese në Bilisht, Devoll, pasi, në orët e para të mëngjesit të sotëm, këto 2 shtetase kanë prishur qetësinë publike në qytetin e Bilishtit, duke u kthyer në shqetësim për banorët. Gjithashtu, gjatë shoqërimit për në Komisariat, ato kanë fyer dhe kanë kundërshtuar me dhunë punonjësit e Policisë, gjatë ushtrimit të detyrës. /abcnews.al