Gary Busey po përballet me akuza për sjellje të pahijshme seksuale në një konventë në Neë Jersey, raportojnë mediat e huaja. Policia lëshoi një deklaratë duke njoftuar se aktori do të përballet me katër akuza: dy akuza për kontakt seksual kriminal, një për tentativë për kontakt seksual dhe një për ngacmim.
Deadline raportoi se policia kishte marrë ankesa të shumta në lidhje me sjelljen e supozuar të aktorit. Incidentet janë shënuar gjatë konventës së quajtur Monster Mania në Hilton Doubletree në Cherry Hill gjatë 13 gushtit dhe 14 gushtit. Akuzat kundër aktorit, i cili jeton në Malibu, u bënë me dije të shtunën.
“Menjëherë pas marrjes së një ankese nga të pranishmit, i ftuari i famshëm u përzu nga kongresi dhe u udhëzua të mos kthehej,” tha Monster-Mania Convention në një postim në Facebook. Nuk është e qartë nëse Busey është planifikuar të paraqitet në gjykatë në New Jersey mbi akuzat.
/abcnews.al
