4 çekët e dyshimtë në uzinën e Poliçanit, reagon policia: 2 gratë u kapën jashtë me aparat fotografik, burrat ishin brenda tuneleve

Policia e Poliçanit ka reaguar  rreth ngjarjes ne uzinën e armëve në Poliçan.

Sipas policisë  në ambientet e jashtme të Uzinës Ushtarake janë konstatuar 2 gratë çeke,  shtetaset me inicialet P. B., 38 vjeçe dhe M. M. (G), 34 vjeçe me aparat fotografik.

Ndërsa  në brendësi të tuneleve të Uzinës janë gjetur dy shtetas të tjerë çekë.

Lexo edhe: Ministra e Mbrojtjes tregon se si u ndaluan 4 çekët që po fotografonin uzinën e Poliçanit, izolohen hyrjet e tuneleve

Poliçan/Informacion paraprak

Sot, në ambientet e jashtme të Uzinës Ushtarake Poliçan, janë konstatuar shtetaset P. B., 38 vjeçe dhe M. M. (G), 34 vjeçe, me kombësi çeke, me aparat fotografik.

Shërbimet e Policisë në bashkëpunim dhe me Policinë Ushtarake, pas informacioneve të marra se në brendësi të tuneleve të Uzinës, ndodhen dhe dy shtetas të tjerë, kanë ushtruar menjëherë kontroll të imtësishëm.

Në brendësi të njërit prej tuneleve, gjatë kontrollit, janë konstatuar dhe dy shtetasit e tjerë, TH. M., 51 vjeç, dhe R. B., 42 vjeç, të dy me kombësi çeke.

Katër shtetasit çek janë shoqëruar në ambientet e DVP Berat për veprime të mëtejshme procedurale.

/abcnews.al/