Kylie Jenner feston sot 25 vjetorin e lindjes. Ajo u prezantua si anëtarja më e re e klanit Kardashian-Jenner por sigurisht ka arritur që të krijojë emrin e saj që nga tetori 2007, kur “Keeping Up With the Kardashians” u shfaq premierë në E!. Nuk njihet më thjesht si vajza e Kris dhe Caitlyn Jenner.
As si motra e vogël e Kourtney, Khloé, Kim dhe Kendall. Kylie është një forcë serioze për t’u llogaritur më vete. Në mars 2019, ajo u bë miliarderja më e re në botë falë sipërmarrjeve të suksesshme në kozmetikë, me Kylie Cosmetics dhe modë, me Kendall + Kylie.
Emri i saj u përforcua me serialin e saj spinoff në E!, “Life of Kylie”, dhe gjurmët e saj të pamohueshme në mediat sociale. Kylie mburrej me më shumë se 140 milionë ndjekës vetëm në Instagram në gusht 2019, dhe që nga korriku 2019, thuhet se merrte 1.2 milionë dollarë për postim.
Deri në gusht 2022, ajo kishte grumbulluar 365 milionë ndjekës në platformë. Biznesmenja ka qëndruar në qendër të vëmendjes dhe me jetën personale. Kylie bëri bujë për lidhjen që krijoi me reperin Tyga, me të cilin u takua nga viti 2015 deri në 2017-ën. Më pas, nisi të shoqërohej me Travis Scott.
Ata mirëpritën fëmijën e tyre të parë, vajzën Stormi Webster në shkurt 2018. Çifti vendosi që të ndahej në tetor 2019 por më vonë u rikthyen sërish. Ata njoftuan se do të bëheshin sërish prindër dy vjet më vonë. Në shkurt 2022, erdhi në jetë djali i tyre.
Momentet më të rëndësishme që shënjuan jetën e Kylie Jenner
Kris lindi fëmijën e saj më të vogël – të dytën me Caitlyn – më 10 gusht 1997.
Kur ishte vetëm 9 vjeç, Kylie u bë një emër i njohur pasi u vu në qendër të vëmendjes me premierën e Keeping Up ëith the Kardashians. Familja festoi sezonin e 16-të të shfaqjes në Mars 2019.
Kylie bëri debutimin në pasarelë për stilistin Abbey Dawn në Javën e Modës në Nju Jork në shtator 2011.
2013-ta ishte një vit i madh për Kylie: Ajo hyri në botën e modës së bashku me motrën Kendall, kur të dyja bashkëpunuan me PacSun për linjën e tyre të parë të veshjeve.
Vetëm 18 ditë pas ditëlindjes së saj të 16-të, Kylie përplasi Mercedes Benz-in e saj me tre makina në Calabasas, Kaliforni.
Kylie bëri bujë kur filloi të takohej me 25-vjeçarin Tyga kur ishte vetëm 17 vjeç.
Një i dashur i ri nuk ishte ndryshimi i vetëm në jetën e yllit të famshëm atë vit: Ajo gjithashtu bleu shtëpinë e saj të parë prej 2.7 milionë dollarësh në maj të atij viti.
Kylie zbuloi në një intervistë në qershor 2015 se ajo kujdesej për shpenzimet e saj. “Mamaja ime më ndërpreu financiarisht tre vjet më parë,” tha ajo. “Unë paguaj për gjithçka – makinën time, gazin dhe ushqimin, si dhe rrobat e mia.”
Ylli i realitetit përfundoi shkollën e mesme në korrik 2015 dhe inkurajoi fansat e saj të bënin të njëjtën gjë. “Kam mbaruar shkollën javën e kaluar”, shkroi ajo në atë kohë. “E di që nuk postoj kurrë në rrjetet sociale kur jam në klasë, por kjo nuk do të thotë që nuk e inkurajoj arsimimin!
Ylli i realitetit filloi një aventurë të re – një linjë kozmetike të quajtur Kylie Cosmetics në 2016.
Pas ndarjes me Tyga, Kylie nisi një romancë me Travis Scott. Çifti u pa së bashku në Coachella në prill 2017.
Megjithëse e mbajti të fshehtë shtatzëninë, Kylie zbuloi nëpërmjet një video në shkurt të vitit 2018 se ajo dhe Scott kishin mirëpritur një vajzë, Stormi.
Kylie mbuloi numrin “America’s ëomen Billionaires” në korrik 2018, e cila e vlerësoi atë në 900 milionë dollarë dhe e vendosi atë në rrugën e duhur për të qenë “miliarderja më e re e bërë vetë ndonjëherë” në histori.
Bota e Kylie u trondit në shkurt 2019 kur shoqja e saj më e mirë Jordyn Woods u kap në një skandal mashtrimi me të dashurin e atëhershëm të motrës së saj Khloé, Tristan Thompson. ëoods, e cila kishte jetuar me Kylie, u largua nga shtëpia e saj disa ditë më vonë.
Më pak se një vit pasi mbuloi botimin e “Gratë miliardere të Amerikës” të Forbes, Kylie zyrtarisht fitoi titullin e miliarderes më të re ndonjëherë.
Kylie paraqiti një markë tregtare për linjën e saj të bebeve në mars 2019.
Në tetor 2019, Kylie dhe Scott u ndanë. “Travis dhe unë jemi në marrëdhënie të shkëlqyera dhe fokusi ynë kryesor tani është Stormi”, shkroi ajo në Tëitter në atë kohë. “Miqësia jonë dhe vajza jonë janë prioriteti ynë.” Në 2020 ata u rikthyen sërish bashkë.
Në maj 2020, Forbes ia hoqi statusin e miliarderes, duke pretenduar se ajo dhe anëtarët e ekipit të saj gënjyen për shitjet dhe falsifikuan deklaratat tatimore për t’u “dukur edhe më e pasur”. Forbes vlerësoi se pasuria personale e Kylie është në fakt pak më pak se 900 milionë dollarë. Ajo kundërshtoi raportin “Inside Kylie Jenner’s ëeb of Lies”, duke postuar në Tëitter, “ Unë kurrë nuk kam kërkuar ndonjë titull ose nuk jam përpjekur të gënjej kurrë.”
Burime të shumta konfirmuan në gusht 2021 se Kylie dhe Scott ishin në pritje të fëmijës së tyre të dytë së bashku. “Ajo është përpjekur për gati dy vjet që të mbetet shtatzënë,” tha një burim. “Ajo gjithmonë ka dashur një fëmijë tjetër afër moshës së Stormit.”
Kylie dhe Scott u bënë me një djalë në shkurt të vitit 2022.
