Një aksident ka ndodhur paraditen e sotme në aksin Kardhiq-Sarandë, në Shelegar.
Mësohet se dy makina janë përplasur me njëra-tjetrën.
“Sot, rreth orës 11:10, në aksin rrugor Kardhiq-Sarandë, në fshatin Shelegar, një automjet tip “BMW” me drejtuese shtetasen A. K. dhe pasagjer shtetasin A. G. është përplasur me një automjet tip “Benz”, me drejtues shtetasin B. S. dhe pasagjerë 3 shtetas të mitur. Të dy drejtuesit e automjeteve dhe pasagjerët janë dërguar në spital, për ndihmë mjekësore, dhe ndodhen jashtë rrezikut për jetën” informoi policia.
Aksidenti ka bllokuar qarkullimin e automjeteve në të dy kahet e lëvizjes.
Grupi hetimor ndodhet në vendngjarje dhe po kryen veprimet e mëtejshme për sqarimin e rrethanave të aksidentit./abcnews.al/
