Sekretari amerikan i Shtetit Antony Blinken ka thënë se Rusia nuk duhet të lejohet të sulmojë Ukrainën, duke paralajmëruar se do të jetë një precedent në të gjithë botën nëse nuk kontrollohet pushtimi i Moskës.
“Nëse lejojmë një vend të madh të ngacmojë një më të vogël, thjesht ta pushtojë atë dhe të marrë territorin e tij, atëherë do të jetë precedent, jo vetëm në Evropë, por në mbarë botën”, tha Blinken gjatë një vizite në Afrikën e Jugut.
Blinken është në një turne në disa vende afrikane dhe do të vizitojë gjithahstu Kongon dhe Ruandën në ditët në vijim, në atë që shihet si një garë midis kombeve perëndimore dhe Rusisë për të fituar mbështetjen nga vendet e kontinentit për luftën në Ukrainë.
Afrika e Jugut abstenoi nga një votim i Kombeve të Bashkuara në mars që denonconte pushtimin e Ukrainës, një qëndrim që mori kritika nga SHBA dhe aleatët e saj perëndimorë, dhe si disa vende të tjera afrikane i ka rezistuar thirrjeve për të dënuar Rusinë për ofensivën e saj. /abcnews.al
