Doja Cat ka bërë një ndryshim të madh në look. Ndonëse fituesja e çmimit Grammy njihet për paraqitjet e saj të guximshme, fansat mbetën të befasuar kur rruajti kokën live. Gjatë videos live, ajo shpjegoi se nuk i ka pëlqyer kurrë që të kishte flokë.
Ndërsa reflektonte për ndryshimin drastik, 26 vjeçarja tha se ishte e “fiksuar” pas paraqitjes së re. “Nuk më ka pëlqyer kurrë të kem flokë. Nuk mund të përmend një herë të vetme, që nga fillimi i jetës time që mund të kem thënë ‘duken bukur’. Thjesht nuk më pëlqen të kem flokë”, tha ajo.
Artistja theksoi se ndihej e rraskapitur kur punonte ndërsa duhej të mbante paruke. Ajo shtoi se ndërsa duhej të stërvitej, ishte gjithmonë e shqetësuar për pamjen e saj. Në fund, muzikantja theksoi se i pëlqente shumë look-u i ri.
/abcnews.al
