SPAK sekuestroi “Alesio-2014” shpk të Anton Gjinajt, cili do të jetë fati i kursimeve të mijëra shqiptarëve që kanë investuar djersën e tyre te pallatet e kompanisë?

Prokuroria e Posaçme ka urdhëruar sekuestrimin e pasurisë së Anton Gjinajt pasi dyshohet se  janë vënë si rezultat i veprimtarisë së tij kriminale që ai ka zhvilluar në Shqipëri dhe Spanjë. Në listën e pasurive të sekuestruara janë një numër i madh kompanish në emër të Anton Gjinajt si edhe toka të shumta në të gjithë vendin, krahas makinave luksoze në emër të tij.

Përtej këtyre, ajo që bie në sy në listën e gjatë të pasurive të sekuestruara me urdhër të SPAK janë kompania e ndërtimit “ALESIO – 2014” shpk, me NIPT Nr. L41713003M si edhe shoqëria “GARDEN RESIDENCE TURDIU” shpk, me NIPT Nr. L91425024V.

“ALESIO – 2014” shpk është një kompani ndërtimi që ka marrë tender me vlerë dhjetëra milionë euro për ndërtim rrugësh në të gjithë vendin dhe specifikisht në Bashkinë e Tiranës. Krahas ndërtimit të rrugëve, “ALESIO – 2014” shpk është futur gjatë viteve të fundit edhe në sektorin e ndërtimit të apartamenteve të banimit dhe të biznesit. Projektet më të rendësishme ku është e përfshirë kompania janë ai i pallateve te “5 Maji”, për të cilin është bërë një debat i madh politik në vend, krahas protestave të banorëve si edhe faza III dhe IV e “Garden Residence Turdiu” në zonën e Fushës së Aviacionit në Tiranë. Me një marrëveshje me investitorin e mëparshëm. Kompania e Anton Gjinajt ka marrë përsipër ndërtimin e fazës III dhe IV të këtij kompleksi të madh pallatesh, ndër më të mirët në zonë.

Pikëpyetjet më të mëdha në këtë rast lidhen me fatin e këtyre dy investimeve të mëdha, pasi mijëra qytetarë kanë investuar kursimet e tyre për të blerë apartamente të ndërtuara nga “ALESIO – 2014” shpk.

Mjaft prej hyrjeve janë prenotuar me paradhënie, kur ndërtimi ishte ende në “gropë”, ndërkohë që tashmë mbetet për t’u parë se cili do të jetë fati i investimit që kanë bërë një numër i madh qytetarësh në projektet e zhvilluara nga “Alesio-2014” shpk.

Pronat e sekuestruara

1. Sekuestrimin e pasurive të subjektit nën hetim pasuror Anton (Pashuk) Gjinaj (Gjini), si dhe të personave të lidhur si më poshtë:
2. Shoqëria “ALESIO – 2014” shpk, me NIPT Nr. L41713003M, me datë themelimi 08.05.2014 dhe datë regjistrimi 13.05.2014, me formë ligjore të shoqërisë “Shpk”.
3. Shoqëria “DEIZI – M” shpk, me NIPT Nr. L82212004G, me datë themelimi 22.09.2018 dhe datë regjistrimi 12.10.2018, me formë ligjore të shoqërisë “Shpk”.
4. Shoqëria “POLYSTYRENE (EPS) MANUFACTURER” shpk, me NIPT Nr. L81811014B, me datë themelimi 04.06.2018 dhe datë regjistrimi 11.06.2018, me formë ligjore të shoqërisë “Shpk”.
5. Shoqëria “FORALB ALABASTER” shpk, me NIPT Nr. J62903844I, me datë themelimi 04.11.1994 dhe datë regjistrimi 08.11.1994, me formë ligjore të shoqërisë “Shpk”.
6. Shoqëria “XYZ 08” shpk, me NIPT Nr. K92110004Q, me datë themelimi 18.02.2008 dhe datë regjistrimi 10.09.2008, me formë ligjore të shoqërisë “Shpk”.
7. Shoqëria “GARDEN RESIDENCE TURDIU” shpk, me NIPT Nr. L91425024V, me datë themelimi 21.02.2019 dhe datë regjistrimi 25.02.2019, me formë ligjore të shoqërisë “Shpk”.
8. Pasuri me sipërfaqe totale 1 290 m2, e llojit truall nga e cila 246 m2 ndërtesë, me adresë Tiranë.
9. Pasuri me sipërfaqe totale 120 m2, e llojit apartament, me adresë, Laprakë, Tiranë.
10. Pasuri me sipërfaqe totale 301.5 m2, e llojit truall nga e cila 246 m2 ndërtesë, me adresë Tiranë.
11. Pasuri me sipërfaqe totale 1 680 m2, e llojit arë, me adresë Marikaj, Tiranë.
12. Pasuri me sipërfaqe totale 6 530 m2, e llojit arë, me adresë Tiranë.
13. Pasuri me sipërfaqe totale 5 560 m2, e llojit arë, me adresë Marikaj, Tiranë.
14. Pasuri me sipërfaqe totale 3 930 m2, e llojit arë, me adresë Marikaj, Tiranë.
15. Pasuri me sipërfaqe totale 1 670 m2, e llojit arë, me adresë Marikaj, Tiranë.
16. Pasuri me sipërfaqe totale 480 m2, e llojit truall, me adresë Tiranë.
17. Pasuri me sipërfaqe totale 84.4 m2, e llojit ndërtesë, me adresë Tiranë.
18. Pasuri me sipërfaqe totale 57.8 m2, e llojit ndërtesë, me adresë Tiranë.
19. Pasuri me sipërfaqe totale 2 092.4 m2, e llojit truall, me adresë Lundër, Tiranë.
20. Pasuri me sipërfaqe totale 700 m2, e llojit arë, me adresë Marikaj, Tiranë.
21. Automjet i tipit autoveturë, e markës “Merceds-Benz”, modeli CLS320CDI.
22. Automjet i tipit autoveturë, e markës “Merceds-Benz”, modeli G 63 AMG.
23. Automjet i tipit autoveturë, e markës “Merceds-Benz”, modeli GLE 400 d 4MATIC Coupe.
24. Automjet i tipit autoveturë, e markës “VOLKSËAGEN”, modeli “GOLF”.