VIDEO/ Si nga një botë tjetër, gruaja filmon stuhinë masive ndërsa të gjithë banorët “fshiheshin” nëpër shtëpi

Duken si pamje nga ndonjë planet tjetër por në fakt bëhet fjalë për Lansford, Dakota e Veriut. Pak para orës 21:00 me orën lokale të së premtes, autoritetet në vend lëshuan një alarm për një stuhi të fuqishme që do të prekte zonën, ndërsa paralajmëruan edhe për tornado të mundshëm dhe breshër.

Pas njoftimit, banorët u mbyllën në banesa dhe siguruan çdo gjë që mundën, por Shelly Heinrichs bëri të kundërtën. Si një ndjekëse stuhish, ajo mori kamerën dhe u bë gati të filmonte çdo gjë.

Videoja që tregon një re masive me përmasa “apokaliptike” të lë pa frymë. Videoja është parë mbi 200,000 herë në mediat sociale. Weather Channel e krahasoi renë masive me një “UFO që do të zbarkojë në Tokë’, kurse me mijëra të tjerë e krahasojnë me një anije kozmike. /abcnews.al/