Pas replikave në limitet e etikës me gazetarin Skënder Minxhozi, gazetari Endri Xhafo i kthehet Akil Krajës, drejtor i kabinetit të Sali Berishës dhe anëtar i Këshillit Kombëtar të PD: “Akil Kraja, a të të jap një këshillë? Mos fol si Sali Berisha se je bërë si Dor Teliti që dikur ishte drejtor i kabinetit të Lulzim Bashës dhe fliste si Lulzim Basha nga fillimi deri në fund, kështu që mos bëj gabimin që kanë bërë shumë veta para teje, që kur rrinin pranë liderit flisnin si ai!”
I kapur në befasi nga ky “shpërthim” i moderatorit të LOG., Akil Kraja u përpoq të argumentojë se opozitarët domosdo duhet të jenë edhe qendrestarë, edhe të apasionuar pas Shqipërisë:
“Përgjigja ime është shumë e thjeshtë: Të kesh pasionin e Shqipërisë, do të thotë të jesh opozitar i mirë”. Ndërkohë që replikat në studio për Xhafon nuk kanë të bëjnë me pasionin për Shqipërinë, por me imitimin që të rinjtë e partive politike i bëjnë liderit të tyre.
/abcnews.al/
