Ditë të nxehta këto për të ardhmen e Matthijs de Ligt. Bayern Munich është një nga skuadrat që kërkon me ngulm shërbimet e lojtarit holendez. Skuadra bavareze është e bindur se tashmë s’ka më kohë për të humbur, teksa drejtori sportiv i gjermanëve, Hasan Salihamidzic ka zbarkuar në Torino.
Është planifikuar që këtë javë të ketë një takim me drejtuesit e Juventusit për të zgjidhur edhe çështjen e De Ligt.
Pyetjes së “Sky Sport” për situatën e holandezit, drejtori sportiv i Bayern është përgjigjur: “A ka besim për De Ligt? Le të shohim”.
Aktualisht nuk ka një marrëveshje për shitjen e holandezit, veçanërisht për vlerësimin që “Zonja e Vjetër” bën për xhevahirin e saj dhe ofertën që bavarezët janë gati të vënë në tavolinë. /f.a/abcnews.al
