Nicolo Zaniolo është kthyer në qendrën e merkatos, teksa Juventusi është skuadra e cila këmbëngul më shumë për shërbimet e yllit të Romës.
Bardhezinjtë e shikojnë Zaniolon si zëvendësuesin ideal të Paulo Dybalas të larguar. Teksa bisedimet mes palëve vashdojnë për të, një tjetër detaj ka bërë që tifozët e “Zonjës së Vjetër” të ëndërrojnë.
Në pritje të kthimit në punë për sezonin e ardhshëm, Nicolo po shijon pushimet në Toskanë së bashku me Federico Chiesa-n.
Të dy kanë në një fotografi në një klub dhe Zaniolo e ka publikuar menjëherë në një Story në Instagram, të kompletuar me tag për mikun dhe shokun e tij të kombëtares.
A do të jetë Chiesa, i cili nga ana tjetër po punon për t’u rikthyer në shtator pas dëmtimit shumë të rëndë të gjurit të pësuar kundër Romës në janar, edhe një shok klubi i Zaniolo-s tek Juventus?
Është shumë herët për ta thënë, por tifozët e Juventus-it tashmë ëndërrojnë një sulm të përforcuar nga fuqia dhe numrat e Zaniolo-s, i cili mund të bëhet pasardhësi i Dybala te bardhezinjtë.
/f.a/abcnews.al
