Ylli i skuadrës së Juventusit, Paolo Dybala me shumë mundësi po luan sezonin e fundit me bardhezinjtë. Afrimi i Ramsej në merkaton e verës do ta ulte në stol argjentinasin i cili po shqyrton mundësinë e largimit.
Trashëgoi fanellën legjendare me numrin 10 por nuk po e përfaqëson denjësisht. Paolo Dybala zbarkoi në Torino plot katër vite më parë ku premisat ishin për t’u shndërruar në futbollistin më të mirë në botë.
Interesimi në drejtim të argjentinasit nuk mungoi madje fill pas sezonit të parë me bardhezinjtë. Edhe pse nuk është një goleador Dybala ishte një nga shtyllat kryesore të skuadrës deri në momentin që në Allianz stadium zbarkoi Cristiano Ronaldo. Dybala është aktivizuar në 39 ndeshje sezonale dhe ka arritur të shënojë vetëm 10 gola.
Në shumë prej këtyre takime e ka nisur ndeshjen nga stoli dhe shumë pak e ka luajtur 90 minuta të plota. E ardhmja e 24-vjeçarit është në dyshim pasi Juventus ka nënshkruar me uellsianin Aron Ramsey, i cili pritet të luajë tek bardhezinjtë si trekuartist. Kjo do të mbyllte të gjitha shtigjet për një aktivizim të rregullt të Dybalës. Natyrisht që ofertat në drejtim të mëngjarashit bardh e zi nuk mungojnë por forma e dobët që po kalon në sezonin aktual e ka ulur ndjeshëm vlerën e kartonit të ish-futbollistit të Palermos.
Në Itali interesohet Inter por këtë mundësi e hodhi poshtë vetë lojtari i cili tha se nëse do të largohej nga Juventus do ta transferohej ne Spanje ose Angli. Reali është me i avantazhuar ne la liga pasi Barcelona ka hequr dore përfundimisht ndërkohë që në Angli ka një interes e madh nga Manchester United./ ABC News Albania 24/7
