Johnny Depp tani është në TikTok. Aktori 58-vjeçar, i cili së fundmi fitoi gjyqin e shumëpërfolur pas padisë që ngriti kundër ish gruas së tij, Amber Heard, ka krijuar një profil në aplikacionin popullor. Ai paditi ish gruan për shpifje për një artikull që ajo shkroi në “Washington Post” në vitin 2018.
Deri më tani, Depp ka grumbulluar 3.1 milionë ndjekës, nuk ka ndjekur askënd dhe nuk ka publikuar ende videon e tij të parë. Poshtë fotos së tij, aktori ka zgjedhur të shkruajë si përshkrim “Herë pas here një aktor”. Për më tepër, ka marrë dhe tick-un blu të verifikimit.
Pak ditë më parë, shtatë anëtarët e jurisë, pasi u takuan për 13 orë, e shpallën të pafajshëm aktorin në tre nga pikat e padisë së tij dhe i dhanë një dëmshpërblim prej 15 milionë dollarësh. Pak para dhe pas vendimit, Depp mori pjesë në një seri koncertesh të muzikantit britanik Jeff Beck në Mbretërinë e Bashkuar.
