Pedagogu i kriminalistikës Ervin Karamuço pohon në Abc Live se zjarri në ishullin e Sazanit është i qëllimshëm.
Teksa komenton rrethanat e zjarrvënies, Karamuço thotë se ishulli i Sazanit është një zonë që paraqet rrezik si pasojë e ekzistencës se municioneve të pashpërthyera.
Karamuço zbuloi në Abc Live se poshtë ishullit të Sazanit ka 18 tunele të fortifikuara.
Lexo edhe: Flakët përpijnë Sazanin, Çako merr helikopterin për të parë ç’po ndodh në ishull
“Është një zonë e kontaminuar, nje zonë që paraqet rrezik. Si ka mundësi që nuk kanë paralajmëruar turistët se në zonë ka eksplozivë. Këto lloj zonash nuk lejohen të shkelen nga turistët nëpër botë. Poshtë ishullit janë 18 tunele, ka fortifikime të rënda. Ka mungesë të informacionit për sigurinë e turistëve. Zjarri në Sazan është vendosur rreth orës 20:00. Pas orës 17:00 në Sazan nuk lejohen turistët. Zjarrvënia është e qëllimshme. Sazani nuk ka barinj, nuk është ishull që mund të kultivohen lënë narkotike dhe nuk ka ujë. E vetmja mundësi që mbetet është ose për të dëmtuar sistemet tona të mbrojtjes bregdetare, ose mund të jenë njerëz që duan ta heqin Sazanin nga një zonë e mbrojtur. Kjo duhet hetuar nga prokuroria”, u shpreh Karamuço në Abc Live.
Prej 4 ditësh që ishulli i Sazani është në flakë, ekipeve të zjarrfikësve u janë bashkuar dhjetëra forca ushtarake, të cilët po mundohen të shuajnë zjarrin me degë pemësh e lopata. Operacioni është i vështirë për shkak të terrenit të thyer.
Ndërkohë sot Greqia dërgoi një avion tip Canadair CL 415 për shuarjen e zjarrit në Sazan.
/abcnews.al/
