Përktheu: Sonila Backa-abcnews.al
Në maj, si pjesë e një stërvitjeje detare, më shumë se 100 ushtarë rusë në Kaliningrad pretenduan se lëshuan raketa bërthamore në pozicionet imagjinare të armikut në Europë, duke simuluar kështu një sulm ajror.
Rusia e ka përdorur shpesh enklavën për të kërcënuar Europën. Ndryshe nga shumë nga portet e vendit, Kaliningrad është shtëpia e flotës së saj balltike. Suedia ka frikë nga një sulm detar nga Kaliningrad në Gotland, një ishull në Detin Baltik. NATO është e shqetësuar se Rusia mund të pushtojë Poloninë dhe Lituaninë për të krijuar një korridor tokësor nga Bjellorusia.
Por në rast të një lufte me NATO-n, enklava mund të shkaktojë probleme për Rusinë.
A është Kaliningrad një aset apo një përgjegjësi?
Kaliningrad është një “zonë e mbrojtur natyrore” që ofron linjën e parë të mbrojtjes për Rusinë nga Perëndimi, tha Jonas Kjellen, një analist. Kaliningrad është i mbushur me sisteme radari që ofrojnë mbikëqyrje ajrore të Europës Qendrore. Në vitin 2012 u pajis me s-400, një sistem mbrojtjeje raketore me rreze të gjatë veprimi, raporton abcnews.al.
Në vitin 2016 Rusia dërgoi një sistem raketash me rreze të shkurtër veprimi Iskander në Kaliningrad, duke i vendosur kokat bërthamore pranë qyteteve europiane. Kremlini pretendoi se masa ishte e nevojshme për të kundërshtuar një prani në rritje ushtarake amerikane në rajon.
Kaliningrad ka përafërsisht madhësinë e Irlandës së Veriut. Porti u themelua në 1255 nga Kalorësit Teutonikë, një urdhër ushtarak i krishterë. Si Königsberg, kryeqyteti tregtar i Prusisë Lindore, ai lulëzoi për shekuj.
Ndër filozofët më të famshëm ishin Immanuel Kant dhe Hannah Arendt, dhe E.T.A. Hoffmann. Në fund të Luftës së Dytë Botërore, Gjermania humbi territorin nga Bashkimi Sovjetik.
Ajo u “bë pjesë” e rusëve dhe bjellorusëve dhe u riemërua sipas Mikhail Kalinin, një politikan bolshevik. Kur republikat baltike fituan pavarësinë në vitin 1991, territori dhe 950,000 banorët e tij u shkëputën nga pjesa tjetër e Rusisë.
Pas protestave në 2010 kundër të kandidatëve të Kremlinit për guvernator, Rusia mori masa kundër mediave lokale dhe shoqërisë civile. Por në rast lufte, vendndodhja e favorshme e territorit midis anëtarëve të NATO-s u ka lënë pak hapësirë forcave ruse për t’u ripoziconuar.
Kaliningrad do të ishte gjithashtu i vështirë për t’u rifurnizuar. Ndoshta asnjë pjesë e Rusisë nuk është aq pranë Kaliningrad që të vëzhgohet më nga afër nga spiunët perëndimorë, sipas Michael Kofman, drejtor i Programit të Studimeve për Rusinë në CNA, një institut amerikan.
Rusia mund të godasë objektivat europiane me raketa me rreze të gjatë veprimi pa u mbështetur te enklava.
Nëse dhe kur Suedia dhe Finlanda i bashkohen NATO-s, Kaliningrad do të jetë i rrethuar nga anëtarët e aleancës.
Kjellen paralajmëron se mund të bëhet “pika më e afërt e ndërveprimit” midis forcave të NATO-s dhe Rusisë.
“Nëse do të ndodhë një incident me shumë mundësi do të ndodhë në Detin Baltik,” mendon ai.
Pavarësisht përpjekjeve të qeverisë ruse për të stimuluar ekonominë e enklavës, Kaliningrad ka hasur vështirësi gjatë dekadave të fundit. Mbështetja financiare dhe stimujt tatimorë për investimet e huaja në vitin 1996 kanë qenë të pamjaftueshme për të mbështetur ekonominë industriale në rënie, raporton abcnews.al.
Vendosja e sanksioneve për shkak të luftës në Ukrainë ka agravuar më shumë marrëdhëniet tregtare me polakët dhe lituanezët. Fluturimet drejt dhe nga pjesa tjetër e vendit janë bërë shtrenjtuar, pjesa më e madhe e hapësirës ajrore të Europës është e mbyllur për avionët rusë dhe Lituania ka vendosur kushte të rrepta për kalimet tranzite.
Rrallëherë banorët e Kaliningradit janë ndjerë kaq larg Rusisë sa tani.
/abcnews.al
