Çlirimi i Donbasit ishte një prioritet i pakushtëzuar për Moskën, sipas një deklaratë të dielën nga ministri i Jashtëm rus, duke shtuar se territoret e tjera ukrainase duhet të vendosin vetë për të ardhmen e tyre, shkruan The Guardian.
“Çlirimi i rajoneve të Donetskut dhe Luhanskut, të njohura nga Federata Ruse si shtete të pavarura, është një prioritet i pakushtëzuar”, tha Sergei Lavrov për kanalin televiziv francez TF1.
Për pjesën tjetër të territoreve në Ukrainë, ai tha: “Unë nuk besoj se ata do të jenë të lumtur të jenë në autoritetin e një regjimi neo-nazist që ka provuar se është rusofob në thelb. Këta njerëz duhet të vendosin vetë.”
Inkursioni i Rusisë, tha ai, u bë “i pashmangshëm” pasi vendet perëndimore nuk ia vunë veshin asaj që ai i përshkroi si paralajmërime për shpërfilljen dhe sulmet ushtarake të Ukrainës ndaj qytetarëve të saj rusishtfolës.
“Po, njerëzit po vriten”, tha Lavrov. “Por operacioni po zgjat kryesisht sepse ushtarët rusë që marrin pjesë janë të urdhëruar për të shmangur sulmet dhe goditjet në infrastrukturën civile.”
/abcnews.al
