Një makinë me targa greke është aksidentuar mëngjesin e sotëm në rrugën Fier-Patos.
Abcnews.al mëson se fuoristrada u fut në kundravajtje, e u përplas me trafikndaresën duke bllokuar qarkullimin.
Ngjarja ka ndodhur pranë vendit të njohur si rotondo e Parkut pranë kishes katolike në Fier, në aksin Fier- Patos.
Mësohet se fuoristrada me targa të shtetit helen KPK2650 udhëtonte në drejtim te Fierit kur është futur në korsinë e gabuar.
Fatmiresisht është shmangur përplasja ballore, ndërsa mjeti ka përfunduar në mes te trafikndareses, duke u përplasur edhe me një shtyllë të ndriçimit publik.
Fillimisht shoferi ka deklaruar se ka humbur kontrollin e mjetit, ndërsa nga policia që ka mbërritur menjëherë prane vendit të ngjarjes po kryhen të gjitha procedurat për të zbardhur shkaqet e aksidentit.
Ngjarja është regjistruar në një aks me lëvizje te konsiderueshme mjetesh, duke bllokuar për disa minuta edhe qarkullimin.
/abcnews.al/
