Shefi ekzekutiv i Barcelonës, Mateu Alemany dhe këshilltari sportiv Jordi Cruyff mbajtën një takim të hënën për kontratën e re të Ousmane Dembele, por nuk u arrit marrëveshje.
Dy palët janë ende shumë larg njëra-tjetrës dhe pozicioni i Barcelonës është dobësuar rëndë për shkak të kufizimeve të tyre financiare.
Dembele ka marrë tashmë oferta nga klube të tjera, si Paris Saint-Germain dhe Bayern Munich, të cilat janë më të mira se paketa e ofruar nga Barcelona.
Blaugranët janë në kërkim të mënyrës më të mirë për të arritur një marrëveshje me 25-vjeçarin, por ende nuk kanë arritur.
Megjithatë, pavarësisht distancës mes të dyja palëve, fakti që negociatat po vazhdojnë, tregon se Dembele po mendon fuqishëm një marrëveshje të re në Camp Nou.
Drejtuesit e Barcelonës po kërkojnë një marrëveshje që funksionon brenda kufizimeve financiare të klubit.
Është e vështirë të gjesh një zgjidhje që mund të zvogëlojë faturën e pagave dhe të sigurojë vazhdimësinë e Dembeles.
Ky është veçanërisht rasti pasi rinovimi i Dembeles i nënshtrohet rregullit të 1/3 (për çdo tre euro që lirohet nga paga e tij, klubi mund të përdorë një për të nënshkruar ose rinovuar kontratën e një tjetri).
Ky është problemi kryesor i Barcelonës, pasi ata nuk e dinë saktësisht se çfarë mund t’i ofrojnë lojtarit duke pasur parasysh situatën delikate financiare.
Presidenti i Barcelonës, Joan Laporta u ankua për pengesat financiare që LaLiga po i vendos në rrugën e klubit të martën.
Dembele e di se nëse nuk merr një ofertë dukshëm më të mirë nga klubi, ai nuk do të qëndrojë./ h.ll/abcnews.al
