Qendra shëndetësore në Sauk i është nënshtruar rikonstruksionit të plotë. Ministrja e Shëndetësisë dhe Mbrojtjes Sociale, Ogerta Manastirliu, inspektoi punimet e kryera në bashkëpunim me donatorët.
Nga kjo qendër që do të ofrojë shërbim me standarde për rreth 13 mijë banorë të periferisë së Tiranës, ministrja tha se investimet do të vijojnë për t’u siguruar akses në shërbimet shëndetësore të gjithëve.
Vetëm në Bashkinë e Tiranës sipas Ministrisë së Shëndetësisë vitin e shkuar u rehabilituan 15 qendra shëndetësore, ndërsa në të gjithë vendin 80 qendra ndryshuan pamje./abcnews.al
