Presidenti ukrainas Volodymyr Zelensky beson se do të ishte e rëndësishme që kreu i administratës amerikane, Joe Biden, të vizitonte Kievin.
“Është e rëndësishme. Mendoj se është shumë e rëndësishme sepse besoj që Biden është Presidenti i qytetërimit më të madh demokratik në shoqërinë tonë, kështu e konsiderojnë ukrainasit”, tha Zelensky për Fox News.
Ai u shpreh se është shumë e rëndësishme që Biden të shohë çfarë ka ndodhur në Bucha dhe Borodyanka.
“Ukrainasit e shohin SHBA si partnerin e tyre strategjik, do të ishte një sinjal i madh për ne nëse vinte. Johnson erdhi. Do të ishte gjithashtu mirë që Biden të shihte Ukrainën”, shtoi Zelensky./abcnews.al/
