Marselo Brozovic është një nga lojtarët kryesorë të skuadrës së Interit dhe sa herë që lojtari ka munguar, zikaltërtit kanë vuajtur mungesën e tij.
Për këtë arsye, drejtuesit e skuadrës italiane janë hedhur në aksion për të gjetur një zëvendësues të Brozovic, i cili të mbulojë rolin e kroatit, kur ky i fundit mungon.
Stefano Sensi pritet të kthehet nga huazimi prej Sampdorias, mirëpo Simone Inzaghi dëshiron një lojtar tjetër për mesin e fushës.
Sipas “Tuttosport”, mesfushori i Real Madridit, Dani Ceballos, është në mesin e shënjestrave kryesore të Interit për sezonin 2022-2023.
Spanjolli, i cili ka kontratë me Realin deri në vitin 2023, mund të luajë edhe në pozitat e Nicolo Barellas apo Hakan Calhanoglut kur të jetë nevoja. /f.a/abcnews.al
