Loading ...
Sekretari i Përgjithshëm i OKB-së Antonio Guterres i bëri thirrje sot Ukrainës dhe Rusisë që të punojnë në koordinim me Kombet e Bashkuara për të lejuar hapjen e korridoreve humanitare.
“Unë kam propozuar krijimin e një grupi kontakti të përbërë nga Rusia, Ukraina dhe Kombet e Bashkuara për të shqyrtuar mundësinë e hapjes së korridoreve humanitare,” tha Guterres në një konferencë shtypi në Moskë me ministrin e Jashtëm rus Sergei Lavrov.
“Ne kemi nevojë urgjente për korridore të tilla për të evakuuar civilët , të cilët do të jenë vërtet të sigurta dhe efektive”, tha ai.
Guterres iu referua në mënyrë specifike fatit të civilëve të bllokuar në uzinën Azofstal në Mariupol, e cila është e rrethuar nga ushtria ruse.
Kombet e Bashkuara janë “të gatshme të mobilizojnë plotësisht burimet e saj njerëzore dhe logjistike për të ndihmuar në shpëtimin e jetëve në Mariupol”, tha ai. /abcnews.al
