Alex Del Pieo mund të rikthehet te Juventusi, pasi prezenca e tij e fundit në stadium entuziazmoi shumë tifozë, të cilët tashmë kanë filluar edhe “ëndrrat” e tyre, pasi “Zonja e Vjetër” me shumë gjasa do i nënshtrohet një revolucioni gjatë merkatës së verës.
Hipoteza se Andrea Agnelli mund të zëvendësohet në krye të Juventusit nuk është e re dhe tashmë mund të jetë me “valixhe në duar”.
Në raste se Andrea do të largohej, flamuri i Juventusit mund të luante rolin e presidentit të nderit, duke kryer funksionet e ambasadorit të klubit me fuqi vendimmarrëse. E lehtë ta mendosh në këtë pikë se edhe Nedved do të detyrohej të tërhiqej.
Por në mesin e gjithë këtyre zërave, një veprim i “Pinturicchio” ka ngjallur akoma më shumë shpresat e tifozëve bardhezinj për një rikthim të tij.
“Sportmediaset” ka postuar lajmin në rrjetet sociale që kishte të bënte pikërisht me Del Pioron, ndërsa ky i fundit i ka bërë “like” këtij postimi. Një veprim ky që me të vërtetë diçka po lëviz dhe “konfirmimi” nga “Pinturicchi” po i jep tjetër drejtim kësaj çështjeje.
/f.a/abcnews.al
