Kanë nisur zgjedhjet për kryetar dege të PD në Roskovec. Anëtarët po votojnë mes dy kandidatëve Emels Xhaxhaj dhe Kevin Cjapi.
I deleguari i PD deputeti Luan Baçi shprehet se ka një pjesëmarrje dhe interesim për të votuar, madje pjesëmarrës janë edhe ata që sipas tij dikur kanë qenë skeptik.
“Këto zgjedhje janë të gjithë pranuara pasi zhvillohet nga vet demokratët . Do të jemi më të fortë më të hapur më të bashkuar ashtu sikurse ka qenë slogani i PD , përtej propagandës dhe nxirjes që bëjnë disa individë që vazhdojnë akoma të dëmtojnë PD siç është ai që e quan vetën kryetar i komanduar. Do t’i ftoja të ishin në Roskovec sot për të parë realitetin , që ka një pjesëmarrje të lartë dhe faktet flasin vet. Do ti ftoja të ishin pjesë e garës dhe jo të nxijnë realitetin nepër media sepse ashtu si dështuan me kuvendin e tyre të famshëm që u ulën 5004 delegatë në 1940 karrige , kështu po dështojnë çdo ditë me propagandën dhe shpifjet e tyre. I referohem zotit Alibeaj dhe atyre 3-4 që janë rreth tij“, tha ai.
“Procesi i votimit do të hapet në orën 9.00 e do të mbyllet në orën 17.00. Në rast se në Qendrat e Votimit do të ketë ende votues, procesi do të vijojë edhe pas orës 17.00, deri kur edhe anëtari i fundit i PD së degës përkatëse të ketë votuar. Për shtyrjen e votimit do të njoftohet Komisioni i Organizimit dhe Kontrollit të Operacioneve Elektorale”, thuhet në njoftimin e Komisionit të Rithemelimit.
/abcnews.al
