Duket se Keanu Reeves po planifikon të hyjë në kapitullin tjetër të jetës me të dashurën Alexandra Grant. Aktori me famë botërore është parë në një dyqan bizhuterish në Los Angeles. Sipas Daily Mail, aktori qëndroi përreth një orë në seksionin e unazave.
Megjithëse Reeves nuk është martuar kurrë më parë, ai mund të jetë gati t’i çojë gjërat në një nivel tjetër me të dashurën e tij prej katër vitesh. Dyshja kanë qenë në lidhje që nga viti 2018, por nuk u zyrtarizuan lidhjen deri në nëntor 2019.
Ata janë gjithashtu dhe partnerë biznesi. Ylli i John Wick bashkëpunoi me artisten pamore në librat “Ode to Happiness”, i cili u botua në vitin 2011 dhe “Shadows”, botuar në 2015.
/abcnews.al
