Alessandro Costacurta ka bërë një analizë të Milanit në një intervistë të dhënë për “Gazzetta dello Sport”. Ai flet edhe për emra të veçantë në skuadrën kuqezi, ku veçon një mesfushor.
Në lupën e tij kalojnë edhe sulmuesit, sikurse edhe Franck Kessie që nuk ka pranuar rinovimin e marrëveshjes deri më tani dhe në verë do të largohet me parametra zero.
“Gjithkujt mund t’i ndodhë një rënie e përqendrimit për shkak të covidit dhe luftës, por kuqezinjtë sot kanë Tonalin, që është lojtari më i rëndësishëm. Është edhe Leao, që ka ulje-ngritje në paraqitje, por është vendimtar.
Në fund është edhe Giroud, ai që përfaqëson vrullin drejt titullit kampion. Suedezin do ta konfirmoja, edhe pse nuk është më vendimtar si dikur, ka gjithmonë peshën e tij në skuadër.
Milani mund të bëjë edhe pa ndihmën e mesfushorit nga Bregu i Fildishtë, që është lojtar i rëndësishëm, por që mund të zëvendësohet. Kessie nuk është Mbappe”, ka deklaruar Costacurta. / abcnews.al
