Populli ukrainas po përballet me sulmet e njëpasnjëshme të Rusisë, ku kjo e fundit po tenton të pushtojë Ukrainën.
Sulmuesi i njohur ukrainas, Andriy Yarmolenko, raportohet se ka bërë një donacion të madh për Forcat e Armatosura të vendit të tij.
32-vjeçari është lojtari i tretë më i aktivizuar me kombëtaren ukrainase, dhe në një situatë siç është aktualisht vendi i tij, sulmuesi ka menduar të dhurojë para që mund t’i vijnë në ndihmë shtetit të tij për armatosje, për t’i bërë ballë edhe sulmeve ruse.
Sipas “Zorya Londonsk”, sulmuesi i West Ham ka dhuruar 75 mijë funte për ushtrinë ukrainase. Vlen të theksohet se Yarmolenko është i lindur në Rusi, por prindërit janë ukrainas, të cilët pastaj u rikthyen në vendlindje.
Ish-sulmuesi i Dynamo Kievit dhe Borussia Dortmundit vlerësohet si një nga futbollistët më të mirë ukrainas, teksa është edhe kapiten i Kombëtares së këtij shteti.
West Ham’s Andriy Yarmolenko has donated £75,000 to Ukraine’s Armed Forces ????? pic.twitter.com/QGfd6IF68j
— Zorya Londonsk (@ZoryaLondonsk) February 28, 2022
/f.a/abcnews.al
