Ish-lojtari kombëtares tonë, Andi Lila ka bërë një gjest të jashtëzakonshëm ditën e djeshme.
Ai ishte i ftuar te Abc-ja e mëngjesit ku foli dhe shpjegoi për postimin e bërë, se si ishte i gatshëm t’i qëndronte pranë dy shokëve të tij ukrainas.
Lila ka bërë një postim në rrjetin e tij social Instagram i cili ka marrë një vëmendje të madhe nga të gjithë. Me këtë veprim, Andi Lila i tregon edhe njëherë mikëpritjen e madhe shqiptare në kohë të vështira.
“Sapo u zgjova dje nga gjumi, u informova rreth pushtimit që i është bërë Ukrainës. Gjëja e parë që bëra ishte kontaktimi i dy miqve të mi, ku i shpreha mbështetjen dhe solidaritetin tim.
Këtë status në Instagram e bëra sepse doja të solidarizoja edhe persona të tjerë të bëjnë të njëjtën gjë. Futbolli apo sporti, i mbledh të gjithë njerëzit bashkë në raste të vështira”, u shpreh Lila.
Postimi i plotë:
“Në këtë situatë të jashtëzakonshme lufte që po kalon Ukraina dhe Bota, është momenti të tregojmë solidaritet dhe humanizëm.
Personalisht bisedova me dy miqtë dhe vëllezërit e mi nga Ukraina Vladyslav Naumets dhe Kuzyk.
I ftova në Shqipëri bashkë me familjet e tyre ! Kaq mund të bëj në këtë moment.
Vetëm solidariteti njerëzor mund të fitojë një luftë, një sfidë.”/ h.ll/abcnews.al
View this post on Instagram
