Një ngjarje e çuditshme ka ndodhur në Aligarh të Uttar Pradesh. Një burrë dyshohet se u divorcua nga gruaja e tij sepse ajo nuk lahej çdo ditë.
Rasti u zbulua kur gruaja paraqiti një ankesë në Departamentin e Mbrojtjes së Grave në përpjekje për të shpëtuar martesën e saj.
“Një grua ka bërë denoncim me shkrim ku thotë se bashkëshorti i saj kërkon divorcin me pretekstin se nuk lahet çdo ditë. Në këtë fazë po ofrojmë këshillim për çiftin në përpjekje për të shpëtuar martesën e tyre”, tha këshilltarja që punon me Departamentin e Mbrojtjes së Gruas.
Këshilltarja shtoi se burri këmbëngul në vendimin e tij për divorc dhe gjithashtu ka kërkuar ndihmë për veten e tij. Në raport thuhej se çifti grindet çdo ditë për shkak të problemit që ka lindur me dushin.
Departamenti i Mbrojtjes së Gruas po përpiqet të arsyetojë me bashkëshortin se kjo është një çështje e vogël që mund të zgjidhet. “Po mundohemi t’i bëjmë të kuptojë se divorci i tyre është diçka që mund të shmanget dhe se nëse ndodh do të prekë fëmijët e tyre”, tha këshilltarja.
Sipas Departamentit të Mbrojtjes së Grave, gruaja deklaroi se shpreson të shpëtojë martesën e saj dhe të jetojë një jetë të lumtur me burrin e saj. Në këtë fazë çiftit iu dha kohë të mendohej pak më shumë./abcnews.al
