Trump është gati të rikthehet në mënyrë të drejtpërdrejtë, me zërin e tij në rrjetet sociale. Platforma e tij “Truth Social” – “Rrjeti i vërtetë Social” mund të shkarkohet në App Store. Ish presidenti amerikan, pas sulmit në Kapitol Hill, u përjashtua nga Twitter, You Tube dhe Facebook.
Por kjo rishfaqje në skenë nuk ishte nga më të mirat. Shumë përdorues amerikanë të internetit – pasi aktualisht mund të shkarkohet vetëm në territor amerikan ankohen për funskionimin e keq të platformës.
Disa të regjistruar nuk hapin dot llogaritë e tyre ndërsa të tjerë nuk kanë mundur të regjistrohen. Të gjithë ata që duan të jenë pjesë e platformës përshëndeten me këtë mesazh: Për shkak të numrit të madh të kërkesave jeni vendour në listë pritjeje.
Sipas një nga menaxherët e kësaj platforme, kjo e fundit është si një klon i Twiterit. Ditët e fundit djali i Trump kishte publikuar në rrjetet e tij sociale një fotografi të platformës shoqëruar me frazën: Përgatitu. Presidenti yt i preferuar do të kthehet së shpejti.”
/abcnews.al
