Loading ...
Fermerët në Ishujt Perëndimor në Skoci kanë thënë se një “shpërthim” në numrin e patave kërcënon mënyrën e tyre të jetesës. Një skemë e qeverisë skoceze që kontrollonte një numër të patave gri përmes asgjësimit përfundoi verën e kaluar. Federata Skoceze e Fermerëve tha që atëherë numri i zogjve në ishuj është dyfishuar dhe që po dëmtojnë të korrat dhe livadhet bregdetare.
Organi publik NatureScot tha se Ministrja e Mjedisit Mairi McAllan ishte takuar me Federatën Skoceze të Fermerëve për të diskutuar shqetësimet e tyre. Livadhet bregdetare mbështesin lulet e egra dhe jetën e bimëve të tjera dhe përdoret nga kultivuesit për rritjen e bagëtive.
Drejtuesi i Federatës Skoceze të Fermerëve Donald MacKinnon tha: “Ne kemi 8,000 zogj në Uist tani dhe mund të jemi mbi “pikën e kthesës”, ku pushojnë praktikat tradicionale të prodhimit. “Situata është e ngjashme me ishujt e tjerë të Hebridesë”. Ai shtoi: “Kultivimi i praktikave bujqësore në Hebride, veçanërisht në livadhet bregdetare ndihmon për të ushqyer një ekosistem të pasur me biodiversitet, diçka që duhet ta mbrojmë për të gjithë.”
Federata Skoceze e Fermerëve tha se alternativa e sugjeruar ndaj skemës së financuar nga qeveria ishte që prodhuesit të gjuanin patat me licencë dhe më pas të shisnin mishin raporton “BBC”. Por federata tha se pak fermerë qëllojnë patat dhe se kishte probleme logjistike për të dërguar mishin e patave te blerësit e mundshëm.
NatureScot tha se i njeh shqetësimet e ngritura nga fermerët. Një zëdhënëse tha: “NatureScot mbështeti grupet lokale të menaxhimit të patave në metodat e provës për të kontrolluar patat gri me mendimin se grupet do të përdorin më pas ekspertizën e tyre në terren për të menaxhuar popullatat në mënyrë të qëndrueshme pasi të kenë përfunduar financimi për këto projekte të menaxhimit adaptiv”. / abcnews.al
