Bllokohet sërish Rruga e Arbrit! Arsyeja ka qenë trashësia e dëborës, e cila i ka kaluar 20 centimetra.
Policia ka bllokuar Bypassin e Murrizit në fshatin Fshat të Klosit dhe në Bastar-Murrizë nga krahu i Tiranës.
Kësisoj nuk lejohet as kalimi i mjeteve në mënyrë që të parandalohen aksidentet dhe të mos pengojnë mjetet borëpastruese.
Kjo nuk është hera e parë që Rruga e Arbrit bllokohet për këtë vit. Moti i keq me ngrica dhe dëbora e rënë e cila ka arritur nivele të larta të trashësisë kanë qenë shkaktarë që për këtë vit shoferët dhe pasagjerët të përballen me vështirë në Rrugën e Arbrit. /abcnews.al
