Fatkeqësisht, ne nuk mund ta shmangim plotësisht stresin, pavarësisht sa shumë përpiqemi. Jemi të ekspozuar ndaj situatave stresuese në punë, në familje, në shoqëri dhe veçanërisht gjatë pandemisë së koronavirusit. Stresi mund të ndikojë aq seriozisht saqë thjesht nuk jemi në gjendje të kryejmë detyrat e përditshme.
Simptomat më të zakonshme të stresit akut janë dhimbja e kokës, lodhja, zemërimi, tensioni i muskujve, trishtimi ose depresioni, problemet me gjumin, mungesa e motivimit ose fokusit. Një studim i ri, që është kryer në Universitetin e Cyrihut, zbuloi se njerëzit reagojnë ndryshe ndaj stresit.
Por a ka ndonjë mënyrë që secili prej nesh të “injektojë” pak vetëbesim që na ndihmon të përballojmë më mirë stresin? Ekziston, dhe është shumë e thjeshtë. Ajo që duhet të bëni është të merrni frymë thellë dhe të mbani mend situata specifike kur jeni ndjerë krenarë për veten sepse keni bërë diçka efikase dhe të mirë.
Këto mund të jenë situata kur keni dalë fitues nga një bisedë e vështirë, keni kaluar një test të vështirë ose keni zotëruar me sukses një prezantim. Autorët e studimit pohojnë se do të ndjeni një efekt pozitiv pasi ta bëni këtë ushtrim vetëm një herë. /abcnews.al
