Ndërsa në ambientet jashtë janë mbledhur mbështetës të ish-kryeministrit Sali Berisha, në Selinë Blu vijon edhe mbledhja e Kryesisë e thirrur nga kryetari Lulzim Basha. Gjatë kësaj mbledhjeje mësohet se Basha u ka shprehur anëtarëve mirënjohje për atë që e ka cilësuar “sakrificë në kushte të jashtëzakonshme.
Kryedemokrati ka deklaruar se pavarësisht gjithçkaje, në Kuvendin e ditës së sotme morën pjesë 5004 delegatë. Po ashtu Basha është shprehur se do të ketë përgatitje për shtrirje në terren në funksion të organizimit dhe përgatitjes së partisë për zgjedhje.
“Mirënjohje të jashtëzakonshme për sakrificën tuaj në kushte të jashtëzakonshme. Pavarësisht gjithçkaje, 5004 të pranishëm ishin për shkak të sakrificës shumë të madhe të demokratëve. Përgatitje për shtrirjen në terren në funksion të organizimit të partisë dhe përgatitjen e partisë për zgjedhje.”
Ndërkohë, nga ana tjetër, Sali Berisha ka paralajmëruar një konferencë për mediat nga Selia Blu gjatë së cilës pritet të komentojë rezultatet e Referendumit të mbajtur gjatë ditës së sotme. /abcnews.al/
