Qëndrimet e fundit të presidentit Ilir Meta, i cili ka nisur përplasjen me kreun e Partisë Demokratike, Lulzim Bashën, Damian Gjiknuri e komenton si përcaktimin e të ardhmes së tij politike.
Drejtuesi politik i PS në Elbasan, gjatë një prononcimi për mediat ka thënë se nisur nga dinamika e zhvillimeve që po ndodh me opozitën, Presidenti është duke përcaktuar edhe të ardhmen e tij politike.
“Nuk e kam ndjekur çfarë ka thënë presidenti, por nuk është se pres ndonjë gjë të re. Presidenti është një aktor i deklaruar politik, po përcakton të ardhmen e tij të re politikë në dinamikën që po zhvillohet brenda opozitës,” u shpreh Gjiknuri.
Më tej, ai komentoi edhe komisionin e reformës zgjedhore. “Komisioni akoma s’ka filluar punë ne presim që të vijnë në binarë dhe shinat e eksperiencës së kaluar për ngritjen e komisioneve të reformës zgjedhore,” u shpreh Gjiknuri. g.v/abcnews.al
