Cila është gjëja e parë që ju vjen në mendje kur mendoni për një person veçanërisht inteligjent?
Ndoshta imazhi i Ajnshtajnit duke zgjidhur ekuacionet. Megjithatë, ka shumë më tepër sjellje dhe karakteristika të tjera, sipas kërkimeve shkencore, rreth inteligjencës mbi mesataren.
- Çrregullime mendore: Gjeniu matematikor John Nash është ndër shembujt më të spikatur të personaliteteve të famshme që vuanin nga sëmundje të shëndetit mendor – në këtë rast, skizofrenia. Megjithatë, shumë nga personat më inteligjentë vuanin nga sëmundje të tilla si Edgar Allan Poe , Jackson Pollock dhe Amy Winehouse.
Siç kanë theksuar edhe shkencëtarët, një proteinë specifike e lidhur me kujtesën dhe kuriozitetin tek kafshët laboratorike rrit rrezikun e çrregullimit bipolar dhe skizofrenisë tek njerëzit.
- Ankthi: Një tjetër çrregullim mendor, i cili mund të gjendet tek njerëzit shumë funksionalë, lidhet me inteligjencën e lartë, sipas një studimi amerikan (SUNY Doënstate Medical Center). Ndoshta sepse aftësia jonë për të imagjinuar skenarë të mundshëm për situata të ndryshme, një aftësi e lidhur me të menduarit abstrakt dhe zgjidhjen e problemeve, na bën më të prirur ndaj ankthit.
- Prirja për të marrë rreziqe: Një studim finlandez arriti në përfundimin se njerëzit që janë më të hapur ndaj sfidave të reja dhe që nuk kanë frikë të marrin rreziqe janë më të zgjuar.
- Prirja për blasfemi: Përdorimi i fjalëve blasfemuese sigurisht nuk është një shenjë e dukshme e inteligjencës, por sipas një studimi të botuar në revistën Language Studies, mund të jetë. Fjalimi blasfemues shoqërohet me një fjalor më të pasur, i cili nga ana tjetër mund të shoqërohet me inteligjencë më të madhe, siç përpiqen të shpjegojnë ekspertët.
- Dembelizmi: Më në fund, ja një justifikim i mirë që mund t’i tregoni punëdhënësit tuaj. Studimi i Universitetit Florida Gulf Coast arriti në përfundimin se njerëzit më inteligjentë janë gjithashtu më të prirur ndaj dembelizmit.
Ndoshta sepse humbasin shpejt interesin për aktivitetet që nuk (vazhdojnë) t’i motivojnë mendërisht.
- Jeni fëmija i parë: Studime të ndryshme kanë treguar se fëmijët e parë në familje kanë një IQ më të lartë, ndoshta sepse prindërit i kushtojnë më shumë kohë.
- Duan macet: Dashamirësit e maceve në mbarë botën tani janë të shfajësuar. Nga Ernest Hemingëay te zonja mace e çmendur e lagjes sonë. Pasi morën në studim 600 studentë të kolegjit, studiuesit e Universitetit Carroll zbuluan se ata që i duan macet ishin më inteligjentë.
- Nuk janë fetarë: Një rishikim i 35 studimeve shkencore arriti në përfundimin se personat jo-fetarë kanë mesatarisht një IQ më të lartë se ata që besojnë.
/abcnews.al
