Shtatë muaj para aksidentit tragjik me makinë që i mori jetën, Anne Heche tregoi se kush do të donte që të interpretonin atë, nëse do të bëhej një biografi për të. Aktorja, e cila vdiq disa ditë pas përplasjes me makinë, u intervistua në janar në podkastin “Behind the Velvet Rope With David Yontef”.
Siç kishte thënë gjatë intervistës, ajo do të donte që Miley Cyrus ose Kristen Bell të bënin rolin e saj. “Këto dy vajza kanë aftësinë të nxjerrin në pah humorin që kam unë. Të dyja ndajnë një aftësi për t’u marrë me botën, ashtu siç bëj unë. Më duket se kështu do të doja të portretizohej jeta ime””, tha ajo.
Anne Heche revealed who she’d wanted to play her in movie 7 months before death https://t.co/BZ3pMCXHkw pic.twitter.com/9iZNW3sT4p
— Page Six (@PageSix) August 16, 2022
Madje, ajo shtoi se e kishte admiruar Miley-n që në momentin e parë që e ka parë në rolin e Hannah Montana. “Ajo ka aftësi. Ajo mund t’ia dalë. Që ajo ta bëjë këtë, shkoni në Disney dhe provoni diçka të tillë dhe më pas bëni Wrecking Ball, atëherë ajo mund ta bëjë atë.
E admiroj mënyrën se si ajo lëviz, si këndon, zërin dhe dhembshurinë e saj, por edhe mënyrën se si ajo i do të gjithë dhe e tregon atë në skenë. Dua të shoh një artiste të pastër në këtë pozicion, ndaj mendoj se Miley është e duhura. Ajo është një aktore e shkëlqyer”, shpjegoi asokohe aktorja./abcnews.al
