6.8 milion paund në ditë, mediat britanike: Emigrantët po na pushtojnë, rritet frikshëm numri i hoteleve për strehimin e tyre nga qeveria

schedule12:47 - 12 Nëntor, 2022

schedule 12:47 - 12 Nëntor, 2022

Një hartë e Britanisë, e postuar nga mediat e vendit zbulon rritjen dramatike të numrit të hoteleve për strehimin e emigrantëve me një kosto në ditë prej 6.8 milionë paund për taksapaguesit, sipas Daily Mail.

Qytetet, qytezat dhe fshatrat nga Londra në Lincolnshire, vendpushimet bregdetare Snowdonia të Uellsit deri në Devon, po ofrojnë dhoma, deri në 150 paund në natë për person, për mijëra të ardhur që kanë nevojë një vend për të fjetur.

Mendohet se në të paktën 200 hotele janë strehuar rreth 37,000 emigrantë. Përafërsisht një e treta janë shënuar në këtë hartë, duke përfshirë një grup prej 20 në West Midlands, ku strehohen qindra emigrantë.

Daily Mail ka zbuluar se disa hotele, tani të mbyllura për vizitorët po strehojnë të rinjtë që priten të dëbohen pasi kanë hyrë në Mbretërinë e Bashkuar me gomone përmes kanalit gjatë javëve të fundit.

Gazeta britanike intervistoi një të ri shqiptar, i cili ka paguar 4500 paund për të udhëtuar nga Dover në Franca dhe më pas është dërguar në Manston në Kent për kontrolle.

Ai mund të dërgohej përsëri në Shqipëri – megjithatë iu dha një dhomë në hotelin Crowne Plaza në Basingstoke, Hampshire, ku ai ishte i lirë të dilte. Që atëherë ai ka dalë nga hoteli dhe është fshehur diku në Mbretërinë e Bashkuar, pavarësisht se ishte një emigrant i dyshuar dhe i paligjshëm, raporton abcnews.al.

‘Kam mbërritur më 25 tetor në Dover. Më dërguan në një qendër në Manston, ku ndodhesha së bashku me 300 shqiptarë të tjerë në një ndërtesë.

“Më morën shenjat e gishtave. Ne ishim të rrethuar nga roje. Falë skandalit të madh për mbipopullimin e kësaj qendre, më lanë jashtë pa pyetur asgjë më shumë se kush isha.

Më hipën në një autobus me xhama të zinj në mes të natës dhe më sollën në një hotel me shqiptarë të tjerë.

“Nëse nuk ktheheni në hotel, ju do të shpalleni si person i zhdukur. Kjo është e gjitha. Unë nuk jam më atje. Unë jam me të afërmit e mi në Mbretërinë e Bashkuar,” tha ai.

Në hotele të tjera, disa kanë protestuar për kushtet. Në Holiday Inn, Colchester, dy emigrantë organizuan një protestë javën e kaluar, e cila u bë virale në internet.

Burrat bërtisnin duke listuar kërkesat e tyre në gjuhën urdu – gjuhën e Pakistanit dhe më pas u shoqëruan nga policia. Ndërkohë, hotelet në pjesët më piktoreske të vendit tashmë janë të mbipopulluar nga emigrantët.

Këtë javë, Home Office pranoi se përdorimi i hoteleve për strehimin e emigrantëve ishte ‘i papranueshëm’ dhe se ishte një zgjidhje afatshkurtër.

Megjithatë, duhet thënë se për shumë emigrantë të paligjshëm që erdhën nga Franca në varka këtë fundjavë,  shumë pak hotele do të jenë të hapura për strehim në Krishtlindje ose Vitin e Ri.

Pavarësisht kësaj, një rekord prej 40,000 veta kanë arritur në Britaninë e Madhe këtë vit, duke ushtruar presion mbi qeverinë për të rritur bashkëpunimin me Francën. Ministrat po mendojnë të përdorin vendpushimet në vendet në Camber Sands në East Sussex dhe Prestatyn në Uellsin verior, raporton abcnews.al.

Por një përpjekje po zhvillohet mes shumë vështirësive në rritje për të gjetur hotele të përshtatshme për të ardhurit të rinj.

Ministria e Brendshme po shpenzon 6.8 milionë paund në ditë për të strehuar pothuajse 50,000 azilkërkues dhe refugjatë afganë në hotele. Disa madje po qëndrojnë në hotele luksoze me një kosto prej më shumë se 150 paund për natë.

/abcnews.al