Barcelona nuk ka mbyllur akoma llogaritë për këtë merkato, me katalanasit që kërkojnë që tashmë të shesin disa lojtarë për të bërë të mundur regjistrimin e Jules Kounde, i vetmi lojtar që nuk është regjistruar si blaugrana.
Paratë e nevojshme për të regjistruar Kounde ka të ngjarë të mblidhen duke shitur lojtarë të veçantë, duke përfshirë Pierre-Emerick Aubameyang, i cili është lidhur me Chelsean dhe Manchester United, dhe Memphis Depay, i cili është në bisedime me Juventusin.
Sipas asaj që raporton AS, Barcelona është ‘e sigurt’ se do të mbledhë 20 milionë euro të nevojshme për të regjistruar Kounden përpara se të mbyllet sezoni i ri.
Megjithatë, ata gjithashtu pretendojnë se ka pasur disa çështje në planet e klubit për të eksportuar lojtarë të panevojshëm, pasi Martin Brathëaite po tregon një ‘mungesë interesi për një ndryshim peizazhi’ pavarësisht se Mallorca pyeti për të.
Një transferim që është afër realizimit është ai i Samuel Umtitit, i cili po kalon testet mjekësore me klubin italian Leçe, derisa edhe Sergino Dest është në listën e largimeve. /f.a/abcnews.al
