30 punonjës afganë të sigurisë u vranë si pasojë e një sulmi kamikaz me makinë-bombë, në një bazë ushtarake në provincën Gazni të Afganistanit.
Të paktën 24 persona të tjerë janë plagosur në shpërthimin e ditës së djelë, i cili ka ndodhur në hyrje të një bazë ushtarake. Një zëdhënës për Ministrinë e Brendshme afgane ka konfirmuar sulmin me makinë-bombë, por nuk ka dhënë informacione për viktima.
Ende askush nuk e ka marrë përgjegjësinë për sulmin. Provinca Gazni është pjesërisht nën kontrollin e talibanëve.
Në gusht të vitit 2018, militantët talibanë kanë kryer një ofensivë të ashpër kundër qytetit Gazni, duke lënë të vdekur qindra ushtarë, militantë dhe civilë.
Po ditën e sotme është raportuar për një tjetër sulm kamikaz me makinë-bombë në jug të Afganistanit, duke lënë të vdekur të paktën tre persona dhe duke plagosur 12 të tjerë.
Shefi i Gaznit Attajan Haqbayat, makina e të cilit ka qenë në vendin e ngjarjes, ka arritur t’i mbijetojë sulmit duke pësuar vetëm disa plagë të lehta./abcnews.al
