Met Gala- ja e shumëpritur më në fund u zhvillua mbrëmë, me të ftuarit e famshëm duke ecur në tapetin e kuq duke nderuar stilistin e ndjerë të modës Karl Lagerfeld.
Natyrisht, shumica prej tyre vendosën të lëvizin në pamje të frymëzuar nga bashkëpunimi më i gjatë i Lagerfeld, ai me Chanel, i cili zgjati nga viti 1982 deri në vdekjen e tij në vitin 2019. Ne veçuam 3 zonjat e veshura më mirë dhe “në temë” dhe ia prezantojmë ju ne fotot e meposhtme.
LEXO EDHE: Met Gala 2023/ Të gjitha detajet për eventin e madh të modës, si u dukën yjet
Rihanna
Këngëtarja super-ylli u shfaq totalisht vonë në Met Gala, pasi tapeti i kuq kishte përfunduar dhe të ftuarit ishin paraqitur. Nëse e përjashtojmë këtë fakt, disi të vrazhdë për sa i përket pamjes së saj ajo ishte padyshim mbretëresha e mbrëmjes. Riri, e cila është shtatzënë me fëmijën e dytë, kishte veshur një fustan të markës Maison Valentino, me një tyl të gjatë, rripa të hollë dhe një dekolte V, e cila përfundonte në një kameli të bardhë. Sigurisht që ishte shumë e ngushtë edhe në bark! Për një “pallto” ajo zgjodhi një pelerinë Valentino në formën e një “kapucë”. Pamja u kompletua me doreza të gjata opere pa gishta, syze dielli të bardha me qerpikë të mëdhenj dhe bizhuteri të rënda.
Kristen Stewart
Sigurisht, mbretëresha e Chanel në një event për nder të Karl Lagerfeld, nuk mund të vishte asgjë përveç Chanel! Aktorja zgjodhi një look androgjen bardh e zi, i cili ishte totalisht, por totalisht estetikë e stilistit. Një xhaketë sportive e shkurtër bardh e zi Chanel, mbi një këmishë të bardhë me një fund të tejdukshëm dhe një kravatë të zezë të trefishtë, i dha tonin veshjes. Kristen vendosi ta kombinojë me pantallona të shkurtra me ngritje të ulët, këpucë bardh e zi dhe një rrip të zi me një shtrëngim të artë ‘CC’, duke krijuar një siluetë shumë të dallueshme.
Anne Hathaway
Po, aktorja e famshme tashmë është një vajzë Versace, por ajo arriti të përkthejë shumë saktë dhe me shumë stil estetikën e Lagerfeld. Ajo u pa me një fustan tweed të bardhë të ngushtë, me dy lule në bust dhe të çara të thella, të cilat ishin të mbyllura me shirita flokësh ari, marka më e mirë e Versace. Ajo gjithashtu u bashkua me një xhaketë tweed për çdo rast që të bëhej pak e ftohtë, ndërsa look-u plotësohej nga dorezat e gjata opere pa gishta.
