Qendra Europiane për Kontrollin dhe Parandalimin e Sëmundjeve, u ka bërë thirrje vendeve anëtare të BE-së, – epiqendra aktuale e pandemisë të veprojnë menjëherë për të parandaluar përhapjen e koronavirusit.
Kjo mund të ndodhë vetëm me vendosjen e masave të reja, e cila është veçanërisht e rëndësishme që situata të mos përkeqësohet në dy muajt e ardhshëm. Organizata Europiane e Shëndetësisë e konsideron të nevojshme administrimin e dozave përforcuese për të gjithë të rriturit mbi 40 vjeç.
Megjithatë, kreu i saj, Andrea Amon, theksoi se vaksina nuk është një “shkop magjik”. “Vaksinimi i detyrueshëm, përveç anës pozitive mund të rrisë polarizimin. Amon theksoi gjithashtu se pandemia mund të trajtohet nga kombinimi i tre faktorëve: rritja e vaksinimeve, përshpejtimi dhe zgjatja e dozave përforcuese dhe përdorimi i masave mbrojtëse si maskat , larja e duarve dhe distanca sociale.
Gjithashtu, kreu i OBSH-së, Dr.Tentros Antanom Gebregesous, theksoi dje se është absolutisht e domosdoshme të respektohen masat e mbrojtjes personale. Tashmë në këtë drejtim po ecën Holanda , e cila edhe pse ka vendosur një bllokim të pjesshëm që prej 13 nëntorit, dhe dje regjistroi rekord të infektuarish që nga fillimi i pandemisë me 23700 raste të reja.
Qeveria do të shpallë masat e reja sot. Në të njëjtën kohë, Shoqata Holandeze e Specialistëve të Kujdesit Intensiv bëri thirrje për masa të rrepta, mbylljen e shkollave, duke paralajmëruar se nëse situata vazhdon të jetë e tillë pacientët që hyjnë në ICU do të përzgjidhen brenda dhjetë ditëve.
Masa më të rrepta pritet të merren edhe në Francë . Sllovakia do të kufizojë lëvizjet për dy javë, duke lejuar vetëm lëvizjet për punë, shkollë apo konsultime mjekësore, në mënyrë për të frenuar rritjen e shpejtë të infeksioneve të reja.
/abcnews.al
