Mesfushori i Manchester United, Paul Pogba, është drejt rikthimit te Juventusi. Francezi nuk po kalon një moment të mirë tek “Djajtë e Kuq” dhe ka kërkuar largimin. Dëmtimet e shumta apo dhe forma jo e mire e United janë disa nga arsyet se pse Paul nuk është më i lumtur në Manchester.
“Zonja e Vjetër” do ta mirëpriste një rikthim të Pogbas. Mesfushori i cili kaloi vitet më të mira të karrierës së tij në Torino e ka shprehur se një ditë ai do ta ri veshë fanellën e juventinëve. Gjithsesi ky nuk është një operacion i thjeshtë, pasi në garë për shërbimet e 26-vjeçarit është dhe Real Madrid.
Mediat italiane kanë bërë një parashikim mbi vlerën e transferimit, ku bëhet fjalë për plot 250 milionë euro për ta rikthyer në Torino francezin. Klauzola e tij me United apo dhe paga e lartë janë kostot e një rikthimi të mundshëm. Pak kohë më parë ishte Paulo Dybala, i cili në një intervistë kërkonte ribashkimin me Paul. /abcnews.al
