207 viktima u shënuan sot në Itali si pasojë e koronavirusit. Rastet e reja janë 20765 nga 271336 tamponë që u bënë në 24 orët e fundit.
Shkalla e pozitivitetit shkoi nga 6.6% në 7.6% dhe numri i pacientëve të shtruar në spital u rrit, 34 më shumë në kujdes intensiv.
Të shëruarit sot raportohet se janë 13467 qytetarë. Numri i testimeve sot ishin më i ulët se dje, të shtunën ishin 355024, ndërsa sot 271336.
Lombardia si gjithmonë ndodhet në vendin e parë për numrin e të infektuarve me 4397 qytetarë pozitivë nga gjithsej 42591 tamponë.
Në vendin e dytë Emilia-Romagna, e cila shënoi 3056 raste nga 25888 teste. Në vendin e tretë Campania me 2560 të prekur nga 24393 tamponë./ db/ Abcnews.al
