“Ka njerëz që me vdekjen e tij, i mungojnë njerëzve të afërm, por ka njerëz që me ikjen e tyre lënë një zbrazëti që është vështirë të mbushet”, thekson Piro Misha, drejtori i Bibliotekës Kombëtare .
Kultura, politika dhe problemet sociale ishin kryefjala e intelektualit Ardian Klosi deri në frymën e fundit.
“Mungojnë shumë tema që ai ngrinte dhe i bënte prezent në opinionin publik me një fines që veç ai dinte. Gjithashtu edhe luftërat e tij , për ambientin ,problemet e kulturës, gjuhës apo përfshirjen e autorëve në kurrikulat shkollore janë shqetësime edhe sot”, tha Misha.
Këto janë disa prej artikujve pikantë që la pas publicisti i ndjerë në shtypin e shkruar. Ato prezantohen në Bibliotekën Kombëtare në shenjë nderimi në 10-vjetorin e ndarjes së tij nga jeta. Liria e mendimit, eleganca e të bërit opozitë si dhe mjeshtëria e pendës në shtypin e shkruar, këto janë disa prej zbrazëtive që ai la pas.
“Me publicistikën e tij të shumëllojshme ai krijoi një model. Debati i Ardianit ishte gjithnjë për idetë dhe jo për individët”, tha Misha.
Një pjesë të rëndësishme në ekspozitë zë edhe korpusi i gjerë i librave, plot 115 të tillë që mbajnë firmën e tij si autor e përkthyes. Drejtori Piro Misha e cilëson ndërmjetësin më elitar mes Europës dhe Shqipërisë.
Kujtesa për figura të tilla si Ardian Klosi është e domosdoshme, por kjo ekspozitë ” In Memoriam” duhet të shërbejë mbi të gjitha si reflektim për shoqërinë dhe shtetarët, sesi sillen në të gjallë me mendjet intelektuale kombëtare .
Konçidencë apo ironi e fatit “Përpjekja me jetuar me të vërtetën ”e Vaclav Havel, përkthim i Ardian Klosit i vitit 1989″, është dhurata që shkrimtari, miku i tij ish-drejtori Aurel Plasari ia bën arkivit të Bibliotekës Kombëtare në përvjetorin e 10 pa intelektualin. Një gjë është e sigurt se Ardian Klosi, do të vazhdoi të jetoi gjatë ndër breza përmes testamentit shkrimor./abcnews.al/
