Në 1 në 3 pacientë me epilepsi trajtimi me ilaçe dështon ti kontrollojë krizat epileptike.
Krizat e shpeshta dhe të pakontrolluara sipas mjekut neurolog në “Spitalin Amerikan 3”, Florian Dashi shoqërohen me një sërë problemesh e i çojnë të sëmurët deri në vdekje.
“Këto janë dëmtime të rëndësishme, siç është dëmtimi fizik nga rrëzimi, traumat, mund të jetë mbytja në det apo në vaskë, depresioni, ankthi i tepruar, vonesat e zhvillimit kur këto kriza janë gjatë fëmijërisë ose vdekja e papritur nga epilepsia.”
Por dhe për këta pacientë ka mundësi rikuperimi. Përmes kirurgjisë mënjanohet zona e trurit ku buron kriza epileptike dhe sipas mjekut neurolog Florian Dashi rezultatet janë të kënaqshme.
“Kirurgjia e epilepsisë është efektive në ato raste kur burimi i epilepsisë është në një zonë të vetme të trurit. Nuk e shohim si linjë të parë trajtimi, por si një procedurë që realizohet kur kanë dështuar të paktën dy barna antiepileptikë në trajtimin e pacientit. Tek pacientët që kanë indikacion të qartë të kirurgjisë, 80-90 % e dalin pa kriza nga kirurgjia ose kriza të rralla dhe jo invalidizuese, iu ndryshojnë cilësia e jetës”.
Mjeku tregon se në Spitalin Amerikan tre mjeku pacienti përpara ndërhyrjes kirurgjikale i nënshtrohet një sërë ekzaminimesh të detajuara nga një grup specialistësh që nisin me kontrollin e efektivitetit të mjekimit.
“Kur gjykohet se është rezistent i nënshtrohet një sërë ekzaminimesh në Spitalin Amerikan 3 si ezhe, rezonance, etj, më pas të dhënët mblidhen e diskutohen nga një staf që merr vendimet”.
Rreziqet e kirurgjisë shpjegon mjeku neurolog Florian Dashi janë të rralla ndërsa pesha e tyre atëherë kur ndodh është më e vogël se përfitimet që operacioni i sjell pacientit./abcnews.al
