“Urdhri” i Sarrit: Juventusi im duhet të dominojë, ja si e arrijmë

20:34 | 10/12/201920:340

Juventusi dëshiron të lërë pas krahëve humbjen e parë në kampionat. Lazio theu bardhezinjtë e Sarrit në fundjavë, disfatë që u përjetuar keq nga kampionët e Italisë. Për fat ndeshja e radhës vjen shpejt dhe nesër Juventusi luan kundër Bayer Leverkusen në Champions League.

Misioni është arritur dhe kjo ndeshje ka rëndësi vetëm për ekipin vendas. “Ky kompeticion duhet nderuar gjithmonë, është një privilegj të luajmë në Champions. Pres një ndeshje me intensitet të lartë, duhet të tregojmë mentalitet të fortë“, thekson trajneri në lidhje me ndeshjen kundër “Aspirinave”.

Vetëm një pikë e marrë në dy ndeshjet e fundit në kampionat i kanë kushtuar kreun bardhezinjve dhe Sarri nuk i kursen këshillat ndaj lojtarëve të tij. Më shumë një “urdhër” pasi Juventusi i tij duhet të dominojë kundërshtarët.

Jemi të qetë, por e dimë se duhet të punojmë dhe bëjmë më mirë. Duhet të rritemi në qarkullimin e topit dhe ta bëjmë shpejt këtë. Duhet të tentojmë gjithmonë të jemi ne që komandojmë ndeshjen. Kjo ka të bëjë me ndryshimin e mentalitetit dhe kërkon kohë“, thekson Maurizio Sarri. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono